უსადენო წვდომის წერტილი - Access Point

უსადენო წვდომის წერტილი (WAP) წარმოადგენს ჩვენი ქსელური ინფრასტრუქტურის მნიშვნელოვან ნაწილს. იგი უსადენო მოწყობილობებს (ლეპტოპები, ტაბლეტები, სმარტფონები და ა.შ.) ქსელური ინფრასტრუქტურის სადენიან ნაწილთან აკავშირებს. Wi-Fi Access Point საშუალებას აძლევს მომხმარებელს, დაუკავშირდეს ქსელს ან პირიქით, შეზღუდოს წვდომა კონკრეტული მომხმარებლებისთვის.

Wi-Fi ქსელის სიჩქარე

როცა საუბარს ვიწყებთ კონკრეტული WiFi Access Point-ების სიჩქარეზე, რთული იქნება ზუსტი რიცხვების დასახელება, სამაგიეროდ შეგვიძლია განვსაზღვროთ მაქსიმალურად მიახლოებული თეორიული მაჩვენებლები.

რეალურად, მაქსიმალურ სიჩქარეს იშვიათად აღწევს ესა თუ ის მოწყობილობა მხოლოდ ისეთ გარემოში, რომელიც იდეალურადაა მორგებული ქსელურ ინფრასტრუქტურასთან. ხშირად სიგნალის გადაცემის რეალური სიჩქარე მითითებულის მხოლოდ 50%-ია, რაც განპირობებულია ისეთი ფაქტორებით, როგორებიცაა: ფიზიკური წინაღობები, დაშორება მოწყობილობებს შორის, დაკავშირებული მოწყობილობების რაოდენობა, დაშიფვრის (Encryption) გართულებული პარამეტრები, დამატებითი რადიო სიხშირეები და ა.შ. აგრეთვე დიდი მნიშვნელობა აქვს თუ სად განვათავსებთ Wi-Fi Access Point-ს (დამატებითი ინფორმაციისთვის გადადით ლინკზე ).

რადიო სიხშირეები

Access Point-ის სიხშირეებია 2.4GHz და 5GHz. შერჩევისას უპირატესობა ენიჭება იმ სიხშირეს, რომელიც ნაკლები დაბრკოლების გარანტიას იძლევა, რაც კონკრეტულ გარემოზეა დამოკიდებული. მიკროტალღური ღუმელი, უსადენო ტელეფონები, ტელევიზორი შესაძლოა მნიშვნელოვან დაბრკოლებას წარმოადგენდეს Wi-Fi სიგნალისთვის და ხელი შეუშალოს Access Point-ს, სრულად გამოავლინოს თავისი პოტენციალი. ამიტომ, უმჯობესია წვდომის წერტილის შეძენამდე შესწავლილ იქნეს ის გარემო, სადაც მისი განთავსებაა დაგეგმილი.

უსადენო უსაფრთხოება

არსებობს უსადენო უსაფრთხოების რამდენიმე საფეხური:

სიგნალის სიძლიერე/გავრცელების არეალი

ზოგადად, ტიპიური ქსელური კავშირი ვრცელდება 46-70 მეტრზე. თუმცა, როგორც უკვე აღვნიშნეთ, მრავალი ფაქტორი მოქმედებს სიგნალის ხარისხზე, მაგალითად: აგურის კედელი, მეტალის კარი და ა.შ. იდეალურ ვარიანტში რეკომენდებულია Access Point-ის რაც შეიძლება მაღლა განთავსება და ანტენების სწორი მომართვა.

წყარო