განსხვავება Single Mode და Multi Mode ოპტიკურ კაბელებს შორის

Single Mode წარმოადგენს სიგნალის გადაცემის ისეთ რეჟიმს, როდესაც სინათლე მხოლოდ ერთი მიმართულებით ვრცელდება კონკრეტული დროის მონაკვეთში. Multi Mode რეჟიმი კი მის სხვადასხვა მიმართულებით გადაცემას გულისხმობს. ამ ორი ტიპის ოპტიკურ კაბელს კაბელის გულის დიამეტრი, ტალღის სიგრძე, სინათლის წყარო და გამტარუნარიანობა განასხვავებს.

გულის დიამეტრი

Single Mode კაბელის გულის დიამეტრი გაცილებით მცირეა, ვიდრე Multi Mode კაბელის გულისა და უმეტეს შემთხვევაში 9 µm-ს უტოლდება. Multi Mode კაბელის გულის დიამეტრი კი 50µm და 62.5µm-ს აღწევს, რაც მას საშუალებას აძლევს მეტი „მოცულობის“ სინათლე გაატაროს და კავშირი გაამარტივოს. რაც შეეხება გარსის დიამეტრს, იგი ორივე შემთხვეაში 125µm-ია.

ტალღის სიგრძე & სინათლის წყარო

დიდი ზომის გულის გამო Multi-Mode ტიპის კაბელი იყენებს სინათლის ისეთ დაბალბიუჯეტურ რესურსებს, როგორებიცაა LED და VCSEL, რომლებიც ტალღის სიგრძეც 850ნმ, 1310ნმ-ია. Single Mode კაბელები კი უმეტესად ლაზერს ან ლაზერის დიოდს იყენებენ სინათლის წყაროდ. ამ ტიპის სინათლის ტალღის სიგრძე 1310ნმ-დან 1550ნმ-მდე მერყეობს. სინათლე Single Mode კაბელებში ნაკლებად აირეკლება რაც მის შორ მანძილზე გადაცემას განაპირობებს.

გამტარუნარიანობა:

Multi Mode ტიპის ოპტიკური კაბელის გამტარუნარიანობა შეზღუდულია სინათლის გადაცემის მრავალი რეჟიმის ერთდროული არსებობის გამო და მაქსიმალური მაჩვენებელი უტოლდება 28000MHz/კმ-ს (OM5). Multi Mode კაბელში სინათლის სხვადასხვა მიმართულებით გავრცელება და არეკვლის მაღალი მაჩვენებელი განაპირობებს სიგნალის ხარისხის შემცირებას შორ მანძილზე, ამიტომ იგი გამოიყენება მოკლე მანძილზე აუდიო/ვიდეო აპლიკაციების მონაცემებით უზრუნველსაყოფად. Single Mode კაბელის გამტარუნარიანობა კი თეორიულად შეუზღუდავია, ვინაიდან იგი სინათლეს მხოლოდ ერთი მიმართულებით ატარებს.

Single Mode / Multi Mode დისტანცია

ცნობილი ფაქტია, რომ Single Mode ტიპის ოპტიკური კაბელი გათვლილია მონაცემების შორ მანძილზე გადასაცემაად განსხვავებით Multi Mode ტიპის კაბელებისგან. მოცემულ ცხრილში წარმოდგენილია მათ შორის არსებული რაოდენობრივი განსხვავებები:

როგორც ცხრილიდან ჩანს, Single Mode ტიპის კაბელი უფრო დიდ მანძილზე გადასცემს მონაცემებს ვიდრე Multi Mode კაბელი. სამაგიეროდ, Multi Mode OM3/OM4/OM5 უზრუნველყოფს უფრო მეტი მონაცემის გადაცემას.

ღირებულება:

როდესაც ამ ორი ვარიანტიდან ერთ-ერთის არჩევა გვიწევს, აუცილებლად უნდა გავითვალისწინოთ მანძილი. დატაცენტრებში ძირითადად Multi Mode ოპტიკურ კაბელს იყენებენ, რომელიც 300-400 მეტრზე ეფექტურად გადასცემეს მონაცემებს. თუმცა უფრო დიდ მანძილზე (მაგ. 10, 40, 80კმ და მეტი), Single Mode ტიპის ოპტიკური კაბელის გამოყენებაა რეკომენდებული. აღსანიშნავია, რომ ამ ორი ტიპის კაბელის ერთსა და იმავე სისტემაში გამოყენება დაუშვებელია.

წყარო