რა არის Mesh ტიპის Wi-Fi სისტემა?

Mesh ტიპის Wi-Fi სისტემა არის ინოვაციური კომპლექტი, რომელიც გამოიყენება შედარებით დიდ შენობებში და უზრუნველყოფს Wi-Fi-ის მიწოდებას შენობის ნებისმიერ წერტილში, რაც ერთი როუტერის გამოყენებისას შეუძლებელია.

Mesh ტექნოლოგია გულისხმობს შენობაში რამდენიმე წვდომის წერტილის დამონტაჟებას, როუტერები დაკავშირებულია ერთმანეთთან, სწორედ ეს უზრულველყოფს სწრაფი ინტერნეტსერვისებით ფართობის მთლიანად და უხარვეზოდ დაფარვას.

რით განსხვავდება Mesh სისტემა ჩვეულებრივი Wi-fi როუტერისგან?

სტანდარტული Wi-Fi როუტერის სიგნალი ლიმიტირებულია, რაც ქმნის დაფარვის პრობლემას დიდ ფართობზე, მისი გამოყენების შემთხვევაში წვდომის წერტილი მხოლოდ ერთია.

რაც შეეხება Mesh სისტემას, ის დაკომპლექტებულია ერთი მთავარი წვდომის წერტილითა და ერთი ან რამდენიმე სატელიტით. მთავარი როუტერი პირდაპირ უკავშირდება ინტერნეტ სერვის პროვაიდერის მოდემს , ხოლო დამხმარე სატელიტები უკვე მისგან იღებენ სიგნალს და ავრცელებენ მას მთლიან ფართობზე.

Mesh სისტემების უმრავლესობა ავტომატიზირებულია, რაც კიდევ უფრო კომფორტულს ხდის მას. ძირითადად მისი მართვა მობილური აპლიკაციითაც კი შეგიძლიათ, როუტერთან მიერთების და მენეჯმენტის გარდა, Mesh სისტემებს ხშირად აქვთ შემდეგი დამატებითი ფუნქციები: მშობლისმიერი კონტროლი, Guest Network, Firmware-ის ონლაინ განახლება, ქარხნულ პარამეტრებზე დაბრუნება და სხვ.

როდის არის Mesh Wi-Fi სისტემა საჭირო?

თუ შენობა არის 200 მ2 ან მეტი, გაქვთ რამოდენიმე სართული და ხშირად გაქვთ ინტერნეტთან წვდომის პრობლემა, Mesh სისტემა თქვენთვისაა!

Mesh როუტერების საშუალებით შენობა იფარება ერთგვარი ქსელით და არ ტოვებს ეგრეთწოდებულ „მკვდარ წერტილებს“, ამასთანავე როუტერები ერთმანეთთან უსადენოდ არის დაკავშირებული, შესაბამისად თავს აარიდებთ ზედმეტ კაბელებს.

ერთადერთი, რაც უნდა გაითვალისწინოთ არის როუტერებისთვის განკუთვნილი ადგილები, სასურველია წინასწარ შეარჩიოთ წერტილები.

მოცემულ ბმულზე შეგიძლიათ იხილოთ Tenda-ს Mesh სისტემა, რომელიც 60-მდე მომხმარებელზე არის გათვლილი.

წყარო