როგორ მუშაობს როუტერი და რით გამოირჩევა 4G როუტერი?

სადაც არ უნდა ვიყოთ - სახლში, სამსახურში, სკოლაში, ქუჩაში, კაფეში - თუ Wi-fi დავიჭირეთ, ესეიგი სადმე ახლო-მახლოს აუცილებლად იქნება მარშრუტიზატორიც - იგივე როუტერი. ზოგადად რომ ვთქვათ, როუტერი არის მოწყობილობა, რომელიც გვაწვდის უსადენო ან სადენიან ინტერნეტს. არსებობენ ძლიერი, სუსტი, თანამედროვე, ძველი როუტერები. ასევე არსებობენ როუტერის „მონათესვე“ მოწყობილობები - ჰაბები, გადამრთველები (იგივე სვიჩი) და ა.შ.

ამ ბლოგში მოგიყვებით ზოგადად რა არის როუტერი და როგორ მუშაობს, რით განსხვავდება სხვა მოწყობილობებისგან და რა შემთხვევებში გვჭირდება 4G როუტერი.

მაშ ასე,

რა განსხვავებაა ჰაბს, სვიჩსა და როუტერს შორის?

სამივე მოწყობილობა მსგავსია - მათი მთავარი დანიშნულებაა მონაცემების გატარება, თუმცა განსხვავება სწორედ იმაში მდგომარეობს, თუ როგორ გადასცემენ ამ მონაცემებს.

ჰაბის დანიშნულებაა ერთმანეთთან დააკავშიროს შიდა ქსელში არსებული ყველა მოწყობილილობა. აქვს ბევრი პორტი, რომლითაც დაკავშირებულია კომპიუტერებთან და სხვა ინტერნეტის საჭიროების მქონე მოწყობილობებთან. ჰაბს არ შეუძლია მონაცემების დაფილტვრა და შესაბამისად სწორ მისამართებზე გაგზავნა. ერთადერთი რაც ჰაბმა იცის, არის ის რომ, რა მონაცემებსაც ერთი პორტისგან მიღეებს, იგივე უნდა გააგზავნოს ყველა დანარჩენ პორტში - copy-paste.

სვიჩი ძალიან ჰგავს ჰაბს, თუმცა უფრო „ჭკვიანია“. მასაც აქვს ბევრი პორტი, რომლითაც უკავშირდება კომპიუტერებს და სხვა მოწყობილობებს (მაგალითად, სმარტ პრინტერს). სვიჩს, ჰაბისგან განსხვავებით, აქვს მონაცემთა ბაზა - MAC addresser. ეს არის მასთან დაკავშირებული მოწყობილობების ფიზიკური მისამართების ცნობარი. როდესაც სვიჩის ერთ-ერთი პორტი იღებს მონაცემებს, იგი ამ ინფორმაციას განურჩევლად ყველა პორტში კი არ აკოპირებს, არამედ კონკრეტულად იმ მოწყობილობისკენ აგზავნის, რომლისკენაც არის მიმართული.

სვიჩიც და ჰაბიც, გამოიყენება შიდა ქსელის მოსაწყობად - მაგალითად, ოფისებში, სკოლებში და ა.შ. იმისათვის, რომ მოწყობილობამ მონაცემები გარე ქსელიდან მიიღოს და გაგზავნოს, საჭიროა, რომ IP-ის (Internet Protocol) წაკითხვა შეეძლოს, სვიჩებს და ჰაბებს ეს არ შეუძლიათ და სწორედ აქ დგება როუტერის საჭიროებაც.

როუტერი არის მოწყობილობა, რომელიც მონაცემებს არა ერთ, არამედ სხვადასხვა ქსელებს შორის ცვლის, მათი IP მისამართების გამოყენებით: როდესაც როუტერი იღებს ინფორმაციას სხვა როუტერისგან, იგი ადგენს IP მისამართს და საზღვრავს ეს მონაცემები მისი ქსელისთვის იყო განკუთვნილი თუ არა. თუ მონაცემები მისთვისაა, მაშინ მიიღებს და გაუშვებს ქსელში (შეიძლება პირდაპირ მოწყობილობებთან არც გაუშვას და ჯერ, მაგალითად, ჰაბს ან სვიჩს მიაწოდოს). თუ მონაცემები არ არის განკუთვნილი მისი შიდა ქსელისთვის, მაშინ როუტერი ამ ინფორმაციას გაატარებს და სხვა როუტერისკენ გაგზავნის.

წარმოვიდგინოთ, რომ სურათზე გამოსახული ფერადი X-ები მონაცემებია. ჩვენი ქსელის IP-მისამართზე კი მხოლოდ წითლები იგზავნება. როუტერი იღებს ყველა ფერის მონაცემს, შემდეგ ფილტრავს, წითლებს ამისამართებს შიდა ქსელში, დანარჩენებს კი ატარებს.

ახლა კი უფრო ფართოდ და რეალურ ცხოვრებასთან მიახლოებულად წარმოვიდგინოთ. ვთქვათ, სურათზე გამოსახული წითელი, ყვითელი, ლურჯი და მწვანე ფერებით აღნიშნული კომპიუტერები განსხვავებული IP მისამართის მქონე ქსელებია. ყველა შიდა ქსელს აქვს თავისი ჰაბი ან სვიჩი, რომელიც უკავშირდება ამავე ქსელის როუტერს, ეს როუტერები კი - გარე ქსელების როუტერებს. როუტერები ერთმანეთს აწვდიან მონაცემებს, რომლებიც კონკრტული ფერის ქსელისთვისაა განკუთვნილი. შიდა ქსელის როუტერები ფილტრავენ მონაცმებს IP მისამარებით და თუ მათ „ფერს“ შეესაბამება შიდა ქსელში უშვებენ. თუ სხვა ქსელისთვისაა განკუთვნილი, ატარებენ იმ მონაცემებს.

შიდა ქსელების მოსაწყობად, ხოლო როუტერი ახდენს ამ ქსელების მარშრუტიზაციას - ანუ აკავშირებს ერთმანეთთან.

რა არის 4G როუტერი?

ჩვეულებრივი Wi-fi როუტერისგან გნსხვავებით, რომელიც აუცილებლად საჭიროებს ინტერნეტ პროვაიდერის ოპტიკურ ან ქსელის კაბელთან პირდაპირ დაერთებას, 4G Wi-fi როუტერი ჩაშენებული LTE მოდემის დახმარებით და მასში ჩადებული მიკრო SIM ბარათის მეშვეობით უკავშირდება ახლოს მდებარე ფიჭური კავშირის ანძებს და ამგვარად იღებს ინტერნეტს. ზუსტად იგივე ტექნოლოგიით იღებთ ინტერნეტს თქვენს მობილურ ტელეფონებშიც. მაგრამ, სმარტფონებისგან განსხვავებით 4G როუტერს მცირე ან საშუალო სახლის სრულად დაფარვა შეუძლია, თან ერთდროულად შესაძლებელია 30-ზე მეტი სხვადასხვა მოწყობილობის (სმარტფონები, ლეპტოპები, ჭკვიანი მოწყობილობები) დაერთება.

რაში გვჭირდება 4G როუტერი?

მობილურმა ქსელებმა, განსაკუთრებით კი 4G LTE ქსელმა, ბოლო 10 წლის განმავლობაში დიდი გზა გაიარა და დღეს ტექნოლოგიების მოყვარულთა შორის საკმაოდ მიმზიდველი ალტერნატივაა, მაგალითად, როდესაც მივდივრთ ისეთ ადგილებში, სადაც კარგი მობილური დაფარვაა და არ არსებობს ან არასტაბილურად მუშაობს ოპტიკური ან ADSL ინტერნეტი. კი ბატონო, ასეთ დროს შეგვიძლია მობილურის Hot spot-ც გამოვიყენოთ, თუმცა როგორც იტყვიან, გამშველებელს ყველაზე მეტი ხვდებაო - ყველამ კარგად ვიცით, რომ ის ტელეფონი რომელიც ინტერნეტს აზიარებს ყველაზე სწრაფად „ჯდება“. აი სწორედ აქ დგას 4G Wi-fi როუტერის საჭიროება, რომელიც სწრაფ ინტერნეტსაც უზრუნველყოფს და თან არც არავის დატოვებს უტელეფონოდ.

რა ბენეფიტები აქვს 4G როუტერს?

1) მარტივად გამოყენებადია - ინტეგრირებული 4G LTE მოდემით და ჩაშენებული SIM ბარათის სლოტით, საკმარისია მიკრო SIM ბარათი ჩადება და სწრაფი, სტაბილური Wi-fi-ც მზადაა

2) მოქნილობა - სადაც მიდიხართ, ყველგან შეგიძლიათ წაიღოთ 4G როუტერი, იქნება ეს აგარაკი თუ კემპინგი. მთავარია როუტერს კარგი მობილური დაფარვა ქონდეს და ახლოს დენის წყარო იყოს.

3) როგორც ზემოთაც აღვნიშნეთ, 1 როუტერს 30-ზე მეტი სხვა მოწყობილობის დაერთება და მცირე და საშუალო სახლის სრული Wi-Fi-ით დაფარვა შეუძლია

მოკლედ, თუ დისტანციურად მუშაობთ - მაგალითად, სოფელში, აგარაკზე, მშენებლობაზე და ა.შ - ანუ ყველგან, სადაც მობილური კარგად იჭერს და ინტერნეტი გჭირდებათ, მაგრამ ოპტიკური ინტერნეტი არ არის, 4G ინტერნეტის როუტერი ოპტიმალური გამოსავალია. ჩვენთან Tenda ბრენდის 4G როუტერის შეძენა შეგიძლიათ ამ ბმულზე. Tenda 4G06-ს უზრუნველყოფს სწრაფ და სტაბილურ ინტერნეტს და შეუძლია Wi-Fi სიგნალით დაფაროს მცირე და საშუალო ზომის სახლი.

წყარო:

https://community.fs.com/blog/different-types-of-r...