როგორ ავარჩიოთ ქსელის კაბელი?

ცოტამ თუ იცის, რომ Cat5e/Cat6/Cat6a/Cat7 ქსელის ეზერნეტ კაბელები, მიუხედავად ვიზუალური მსგავსებისა, საკმაოდ განსხვავდება ერთმანეთისგან. ქვემოთ მოცემული ინფორმაცია მათ შორის არჩევანის გაკეთებაში დაგეხმარებათ:

Cat5e/Cat6

ორივე მათგანი ერთი და იმავე ფუნქციის მატარებელ გადახვეულ წყვილ კაბელს წარმოადგენს. ორივე მათგანს აქვს ერთნაირი Rj-45 ტიპის თავი, რაც მათ კომპიუტერთან, როუტერთან და სხვა მოწყობილობებთან აკავშირებს ეზერნეტ ჯეკის მეშვეობით. მოცემული ტიპის კაბელებს შემდეგი პარამეტრებით ანსხვავებენ ერთმანეთისგან:

როგორც ვხედავთ, Cat5e (Cat5 Enhanced (გაუმჯობესებული)) გვთავაზობს გიგაბიტ ეზერნეტს 100 მეტრამდე მანძილზე და უზრუნველყოფს მონაცემების 1000მბ/წმ სიჩქარით გადაცემას 100MHz სიხშირის პირობებში. Cat6 10 გიგაბიტამდე სიჩქარით გადასცემს მონაცემებს 250MHz სიხშირის პირობებში. ორივე მათგანი შეიძლება გამოვიყენოთ 100 მეტრის მანძილზე, თუმცა Cat6 კაბელი მხოლოდ 55 მეტრის ფარგლებში უზრუნველყოფს მონაცემების განსაკუთრებული სიჩქარით (10გბ/წმ) გადაცემას. მთავარი განსხვავება მათ სამუშაო პარამეტრებშია. Cat6-ს გააჩნია შიდა გამყოფი, რომელიც სხვადასხვა ტიპის დაბრკოლებებისა და დანაკარგებისგან გაცილებით ეფექტურად იცავს კაბელს.

Cat6/Cat6a/Cat7

Cat6 მონაცემებს 10გბ/წმ სიჩქარით გადასცემს 250 MHz-მდე სიხშირის პირობებში 33-55 მეტრის ფარგლებში. Cat6a იმავე სიჩქარით უზრუნველყოფს მონაცემების გადაცემას, თუმცა 500MHz-მდე სიხშირის პირობებში(Cat6-თან შედარებით ორჯერ მეტი). რაც შეეხება Cat7-ს იგი 600MHz-მდე სიხშირის პირობებში 100 მეტრზე გადასცემს მონაცემებს 10გბ/წმ სიჩქარით. ამავდროულად Cat7 დაბრკოლებებისა და დანაკარგისგან ყველაზე ეფექტურად იცავს კაბელს.

Cat5e, Cat6 და Cat6a სტანდარტული RJ45 ტიპის თავითაა აღჭურვილი, ხოლო Cat7 კაბელი სპეციალურ GigaGate45 (GG45) კონექტორს საჭიროებს. ამავდროულად, პირველი სამი ტიპის კაბელი, განსხვავებით Cat7-ისგან, თავსებადია სატელეკომუნიკაციო ინდუსტრიის ასოციაციისა (TIA) და ელექტრონული ინდუსტრიის გაერთიანების (EIA) სტანდარტებთან. Cat6 და Cat6a ძირითადად სახლის პირობებში გამოიყენება, ხოლო ბიზნეს გარემოსა და ოფისების ქსელური დაფარვისთვის უმჯობესია Cat7 ტიპის კაბელის გამოყენება, ვინაიდან იგი სიგნალის დანაკარგის შემცირებას ყველაზე კარგად უზრუნველყოფს.

წყარო