რას ნიშნავს PoE?

PoE (Power over Ethernet) წარმოადგენს სადენიანი ქსელური კავშირის (LAN) ტექნოლოგიას, რომელიც უზრუნველყოფს ელექტრული ნაკადის მიწოდებას ქსელის კაბელების მეშვეობით დამატებითი დენის კაბელების საჭიროების გარეშე. PoE ტექნოლოგია პირველად 2003 წელს გამოჩნდა და გამოიყენებოდა ისეთი ქსელური მოწყობილობებისთვის, როგორიცაა Access Point.

PoE ტექნოლოგია გულისხმობს ელექტრული ნაკადის ქსელის კაბელში გავლას დენის წყაროდან მოწყობილობამდე ქსელური სიგნალებისგან იზოლირებულად. შესაბამისად მონაცემების ნაკადი და ელექტრული ნაკადი ერთმანეთს არ აზიანებს. ინჯექტორიდან კაბელში გამავალი დენი მარტივად მოამარაგებს კაბელის მეორე ბოლოსთან დაერთებულ მოწყობილობას, თუკი იგი PoE-ს მხარდაჭერით სარგებლობს. თუკი მოწყობილობა არ სარგებლობს PoE მხარდაჭერით, მაშინ დამატებითი განშტოების მეშვეობით დენი დამოუკიდებლად უნდა მიეწოდოს მას.

2003 წელს შემუშავებული ტექნოლოგია საკმარის ენერგიას აწვდიდა AP-ების უმეტესობას, თუმცა არ აღმოჩნდა საკმარისი სხვა ქსელური მოწყობილბოებისთვის, მაგალითად სათვალთვალო კამერებისთვის. წლების შემდეგ IEEE-მ (Electrical and Electronics Engineers) და სხვა ვენდორებმა სცადეს პრობლემის გადაჭრა და დღესდღეობით მომხმარებლისთვის უკვე სამი ტიპის PoE ტექნოლოგიაა ცნობილი:

• 802.3af(PoE) – ფუნქციონირებს Cat5 ქსელის კაბელის მეშვეობით და 15.4W სიმძლავრით ამარაგებს პორტებს
• 802.3at(PoE+) – ფუნქციონირებს Cat5 ქსელის კაბელის მეშვეობით და მოწყობილობას მაქსიმუმ 30W სიმძლავრით ამარაგებს. (არანაკლებ მნიშვნელოვანია ყურადღება მიექცეს PoE მოწყობილობის ჯამურ PoE ბიუჯეტს: მოწყობილობა არ უნდა მარაგდებოდეს მისთვის განსაზღვრულ მაქსიმალურ სიმძლავრეზე მეტით).
• 802.3bt სტანდარტი ბოლო თაობის PoE ტექნოლოგიას წარმოადგენს, რომელსაც 60W-ით შეუძლია მოამარაგოს პორტები, რაც საკმარისია LED განათების, ტერმინალებისა და სხვა მოწყოიბილობების ფუნქციონირებისთვის.

ჩვენს კომპანიაში PoE მხარდაჭერით აღჭურვილია IP ტელეფონები, სვიჩები და ა.შ.

წყარო წყარო2