რა არის SFP მოდული?

SFP (Small form-factor pluggable) წარმოადგენს გადამცემს, რომელიც როგორც გადასცემს, ისე მიიღებს მონაცემებს.

კომპაქტური მოდული ქსელური მოწყობილობის ფიზიკურ პორტში მაგრდება, გამოიყენება საკომუნიკაციო ქსელებში და აღჭურვილია როგორც გადამცემი უბნით(Tx) აგრეთვე მიმღები უბნით(Rx).

SFP მოდულის დაკავშირება ხდება სვიჩებთან, როუტერებთან, ოპტიკურ-ბოჭკოვან კაბელებთან და პასუხისმგებელია ოპტიკური სიგნალების ელექტრო სიგნალებად გარდაქმნაზე, ან - პირიქით.

SFP მოდულს აგრეთვე იცნობენ როგორც მინი-GBIC. GBIC (გიგაბიტ ინტერფეის კონვერტერი) წარმოადგენს უფრო ძველ და დიდი ზომის გადამცემს, რომელიც ბოლო პერიოდში SFP მოდულმა თითქმის სრულად ჩაანაცვლა.

SFP უმეტესად აღჭურვილია LC თავაკით (Lucent Connector), განსხვავებით GBIC-ისგან, რომელიც SC (Standard Connector) თავაკითაა წარმოდგენილი.

სხვადასხვა ტიპის SFP გადამცემი სხვადასხვა ზომის ტალღის გადაცემაზე ან მიღებაზეა გათვლილი კონკრეტული მანძილის ფარგლებში. მაგალითად, 1000BASE SFP Lx იყენებს 1310nm ტალღას 10კმ-ზე გადასაცემად, ხოლო 1000BASE-ZX 80კმ-მდე ვრცელდება.

Single-Mode/Multi-Mode SFP:

SFP გადამცემს შეუძლია სხვადასხვა ტიპის ოპტიკურ ბოჭკოს დაუკავშირდეს. SFP მოდულები, რომლებიც Single-Mode ოპტიკურ კაბელებს უკავშირდება შესაბამისად Single-Mode SFP მოდულებად იწოდება, Multi-Mode SFP მოდულები კი Multi-Mode ოპტიკური კაბელების შემთხვევაში გამოიყენება.

წყარო