ქსელის კაბელის ტიპები (დამცავი გარსის მიხედვით)

კაბელების მრავალი ტიპი არსებობს და თითოეული მათგანი სხვადასხვა ნიშნით განსხვავდება ერთმანეთისგან. ამ განმასხვავებელ ნიშნებს შორის ერთ-ერთი ყველაზე მნიშვნელოვანია - დამცავი გარსი. იგი კაბელებში ბარიერის როლს თამაშობს და იცავს მათ ისეთი გარე დამზიანებლებისგან, როგორებიცაა: ელექტრული დაბრკოლებები ( EMI), დამატებითი საკაბელო ხაზები და ელექტრომოწყობილობები.

თავდაპირველად გარსით აღჭურვილი კაბელები გამოიყენებოდა ქარხნებში და ისეთ დაწესებულებებში, სადაც ელექტრულ მოწყობილობებს მასიურად მოიხმარდნენ. დღეს კი ამ ტიპის კაბელებს შევხვდებით სახელმწიფო დაწესებულებებში, საავადმყოფოები, სკოლები და ა.შ.

მრავალი აკრონიმი შეიქმნა კაბელების ერთმანეთისგან გასარჩევად დამცავი გარსის არსებობის თუ არარსებობის მიხედვით. ჩვენთვის ცნობილია შემდეგი აკრონიმები (ISO/IEC 11801:200):

F/UTP გარსის გარეშე წარმოდგენილი კაბელის ხვეული გული (Unshielded Twisted Pair – UTP) დაფარულია ფოლგის გარსით (F როგორც Foil(ფოლგა)). F/UTP კაბელს სხვანაირად FTP-ის სახელწოდებით იცნობენ. და გამოიყენებენ 10G Base-T აპლიკაციებისთვის. ხვეული გული + ფოლგა
S/UTP "S" გარსის ალტერნატიული ვარიანტია და წარმოადგენს წნულს, რომელშიც კაბელის ხვეული გულია მოთავსებული (UTP). მას ხშირად STP-დ მოიხსენიებენ. ყოველთვის გადაამოწმეთ, კაბელების გულები მთლიანად არის გახვეული წნულში თუ თითოეულ გულს თავისი ინდივიდუალური გარსი აქვს, რადგან ამავე აკრონიმს ხშირად U/FTP ტიპის კაბელის აღსანიშნადაც იყენებენ. ხვეული გული + წნული
SF/UTP კაბელის ხვეული გული გარშემორტმყმულია როგორც ფოლგირებული გარსით, აგრეთვე წნულით. ასეთ კაბელს ხშირად STP კაბელს უწოდებენ და ხშირად იყენებენ ელექტრული დაბრკოლებების(EMI) თავიდან ასაცილებლად. ხვეული გული + ფოლგა + წნული
S/FTP კაბელის ხვეული გული განთავსებულია წნულში (S) და ამავდროულად ხვეულის თითოეული გულზე ინდივიდუალურად ფოლგის გარსითაა გარშემორტყმული. ამ ტიპის კაბელები იდეალურია ჯვარედინი დაბრკოლებების მაქსიმალურად შესამცირებლად. ხვეული გული+ წნული + ფოლგა (ინდივიდუალურად)
F/FTP ფოლგა აქვს შემოკრული როგორც მთლიანად კაბელის ხვეულს, აგრეთვე ხვეულის შემადგენელ თითოეულ გულს. მსგავსად F/UTP კაბელებისა, F/FTP კაბელებიც 10G Base-T აპლიკაციებისთვის გამოიყენება. ხვეული გული + ფოლგა + ფოლგა (ინდივიდუალურად)
U/FTP კაბელის გულები ინდივიდუალურად არის გახვეული ფოლგის გარსში, თუმცა თავად ხვეული გარსის გარეშეა წარმოდგენილი. ამ ტიპის კაბელებიც 10G Base-T აპლიკაციებისთვის გამოიყენება. ხვეული გული + ფოლგა (ინდივიდუალურად)
U/UTP კაბელს არც გარე გარსი აქვს და არც გულებია წნულით ან ფოლგით დაფარული. ამ ტიპის კაბელებსUTP კაბელის სახელით იცნობენ. ხვეული გული

წყარო